Digmang Bayan
*Salin ng “The People's Warrior” ni Eman Lacaba
Mga atleta ang mandirigmang bayan: Umaakyat siya ng bundok hindi dahil mayroon Ito kundi dahil naroon ang masa. Isa siyang akrobat: ibinabalanse niya ang sarili Sa mga natumbang puno, tumatawid ng mga ilog At katakutakot na mga talon ng tiyak na kamatayan, Tila sumasayaw sa lubid nito. Ang mandirigmang bayan ay isang aktor: sa tanghalan ng rebolusyon; Isang tapat na aktor dahil ang masa Ay mahuhusay na kritiko, nababasa ang mukha't katawan At alam kung tunay ang iyong sinasabi, o kung Nanlalansi. Oo, ang mandirigmang bayan ay Isang komedyante: naipapakita niya sa masa ang balintuna't Kakatwâng kondisyon nila—Ang tunggalian Sa pagitan niyang pinamumunuan at pinagpapawisan At siyang namumuno mula sa malambot na upuan at marmol na inidoro at kung gayon ay di kailanman pinagpapawisan; Pinasisigla ng mandirigmang bayan ang martsa ng masa Pasulong sa digma, malugod, puno ng Determinasyon; sa kanyang pagpapayaso, napapalagay sa kanya ng masa, siyang mula sa kanila At para sa kanila—sa unang pagkakataon, armado Hindi upang mang-abuso, ang hukbong bayan.